00:00 - 21. oktober 2016

Gudmund Skjeldal: Symbolet Johaug

Kva er eit sår på ei leppe mot å skada si sjel, spør Gudmund Skjeldal.

Illustrasjon: Marvin Halleraker

Frå den tida eg levde av langrenn, hugsar eg ein særleg skamfull spøk. Vi var eigentleg fire veldig gode kameratar, men hadde budd for lenge på det same hotellet, og var i den litt for ivrige romsteringsalderen. Det begynte med klister på dørhåndtaka, og vassbøtter på dørene på gløtt. Vi hadde dobbeltrom, og det blei to krigande par ut av oss.

Til slutt spekulerte to av oss ut den mest djevelske hemnen – å få ein på det andre rommet til å tru at han var blitt tatt i doping. Vi ringte ein talefør og ikkje akkurat beskjeden type vi kjente i Oslo. Han var med på spøken, truleg altfor mykje med på notane. Han skjelte ut den ulukkelege venen vår – så han ikkje visste kva øyra han skulle bruka å lytta med. Han blei likbleik. Han blei heilt taus.

Annonse